Apple’ning chakana internet-savdo bo‘yicha katta vitse-prezidenti Anjela Arendts 2014-yil yakunlariga ko‘ra AQSHda eng katta maosh oladigan ayol menejerga aylandi. Bu haqda RBC.ru xabar bermoqda.
Apple’dagi faoliyatidan avval Burberry Group ijrochi direktori sifatida ish olib borgan Arendts 2014-yil yakunlariga ko‘ra 82,6 million dollar daromad olgan.
Bloomberg agentligining qayd etishicha, Arendts jahonning eng qimmat kompaniyasi hisoblangan Apple’ga 2014-yil may oyida ishga kirib, kompaniya boshqaruvidagi ilk ayolga aylangandi.
Qayd etishlaricha, Apple’ning matbuot kotibi vitse-prezidentning maoshi haqidagi axborotga izoh berishdan bosh tortgan.
Yahoo! bosh direktori Marissa Mayer 2014-yil yakunlariga AQSHdagi eng katta maosh oluvchi rahbar (CEO) deb topilgan. O‘tgan yili u, Bloomberg Pay Index reytingiga ko‘ra, 59,1 million dollar ishlab topgan.
Izoh (0)