Yaponiyaning Hakone shahri hukumati shu hududdagi vulqonning faollashib qolgani sababli Okuvadani vodiysidagi odamlarni evakuatsiya qilish haqida buyruq berdi. Bu haqda Kyodo agentigiga tayanib, “Liga.net” xabar beryapti. Buyruq vodiydan 300 metr radiusdagi barcha kishilarga tegishli bo‘ldi.
6-may, chorshanba kuni tongda seysmologlar xavf ko‘rsatkichini 2-darajagacha ko‘tardi. Avtoyo‘llar va sayyohlar orasida mashhur bo‘lgan arqon yo‘lidan yurish taqiqlandi.
Okuvadani vodiysida aholi yashaydigan punktlar yo‘q, shuning uchun hukumatning buyrug‘i bayram kunlarida Hakone manzaralaridan bahramand bo‘lishni istagan sayyohlarga taalluqli.
Vulqon toshlari tushishi xavfi borligi uchun evakuatsiyaga farmoyish berilgan.
26-aprelda Hakone tog‘ida vulqonli yer silkinishlari chastotasi ortganligi qayd qilindi. Kanagava prefekturasining Tadqiqotlar markazi 26-apreldan 4-maygacha deyarli 790 ta yer silkinishini hisobladi. Ularning magnitudasi 2,6 balldan oshmadi. Ammo seshanba kunidan boshlab zilzilalar sezilarli bo‘la boshladi.
Izoh (0)