Apple’нинг чакана интернет-савдо бўйича катта вице-президенти Анжела Арендц 2014 йил якунларига кўра АҚШда энг катта маош оладиган аёл менежерга айланди. Бу ҳақда RBC.ru хабар бермоқда.
Apple’даги фаолиятидан аввал Burberry Group ижрочи директори сифатида иш олиб борган Арендц 2014 йил якунларига кўра 82,6 миллион доллар даромад олган.
Bloomberg агентлигининг қайд этишича, Арендц жаҳоннинг энг қиммат компанияси ҳисобланган Apple’га 2014 йил май ойида ишга кириб, компания бошқарувидаги илк аёлга айланганди.
Қайд этишларича, Apple’нинг матбуот котиби вице-президентнинг маоши ҳақидаги ахборотга изоҳ беришдан бош тортган.
Yahoo! бош директори Марисса Майер 2014 йил якунларига АҚШдаги энг катта маош олувчи раҳбар (CEO) деб топилган. Ўтган йили у, Bloomberg Pay Index рейтингига кўра, 59,1 миллион доллар ишлаб топган.
Изоҳ (0)