Блогерлар чемпионатининг финалига йўл олган 10 нафар блогер номи аниқ бўлди

Иккинчи маротаба ўтказилаётган ўзбек блогерлари ўртасидаги чемпионатда энг ҳал қилувчи босқичга старт берилди, дея хабар бермоқда «Xushnudbek.uz».

Иккинчи босқичда иштирок этган 43 нафар блогерлар ишларини ҳакамлар, блогерлар ҳамда муштарийлар баҳолаб чиқди ҳамда финалга йўл олган 10 нафар блогер номини аниқлаб берди.

Айтиш жоизки, овоз бериш жараёнида деярли ҳар куни пешқадамлар рўйхати ўзгариб турди. Финалга чиқиш учун жиддий кураш кетганини блогерлар тўплаган рейтинг балларидан ҳам кўриш мумкин.

Демак, якуний натижаларга кўра, қуйидаги блогерлар финал босқичида куч синашадиган бўлди:

1. Жамшид Ниёзов
2. Давронбек Пармонов
3. Носирхон Азизов
4. Ғайрат Шер
5. Мақсуд Саломов
6. Шукуржон Исломов
7. Азиз Қаршиев
8. Исроил Тиллабоев
9. Шерзод Ғайбуллаев
10. Нигора Салиҳова

Яна шуни алоҳида таъкидлаш жоизки, финалга чиққан барча иштирокчиларга танлов ҳамкори UzInfoCom маркази томонидан 2 йил муддатга текин хостинг ажратилади. Бунда 1—3 ўринларни олган блогерларга 1 Гб ҳажмдаги, қолган 7 нафар финалчиларга эса 250 Мб ҳажмдаги хостинг тақдим этилади, финалга йўл олиб, аммо унда иштирок этмаган блогерлар бундан мустасно.