Rossiya prezidenti Vladimir Putin biznesmen Boris Berezovskiyni afv etib, unga mamlakatga qaytib kelishi uchun ruxsat berishga tayyor edi. Bu haqda “Rossiya-1” telekanali orqali efirga uzatilgan “Prezident” filmida davlat rahbari matbuot kotibi Dmitriy Peskov aytib o‘tdi, deb yozadi “Vesti.ru”.
“Putin unga mamlakatga qaytishga izn berishga tayyor edi. U o‘zi kelisha olmaydigan kishilarni kechirish uchun yetarlicha kuchli odam”, — deya ta’kidladi Peskov.
Berezovskiy 2003-yilda Rossiyadan qochib ketib, Buyuk Britaniyada boshpanaga ega bo‘lgan edi. Rossiyada u ko‘p sonli jinoyatlarda ayblangan.
2013-yil aprelida Peskov Berezovskiy Putinga xat yozib, xatolarini tan olgani va Rossiyaga qaytishga ruxsat so‘raganini ma’lum qilgan edi. Biznesmen 2013-yil martida London yaqinidagi uyida o‘lik holda topilgan.
Izoh (0)