Россия президенти Владимир Путин бизнесмен Борис Березовскийни афв этиб, унга мамлакатга қайтиб келиши учун рухсат беришга тайёр эди. Бу ҳақда «Россия-1» телеканали орқали эфирга узатилган «Президент» фильмида давлат раҳбари матбуот котиби Дмитрий Песков айтиб ўтди, деб ёзади «Вести.ru».
«Путин унга мамлакатга қайтишга изн беришга тайёр эди. У ўзи келиша олмайдиган кишиларни кечириш учун етарлича кучли одам», — дея таъкидлади Песков.
Березовский 2003 йилда Россиядан қочиб кетиб, Буюк Британияда бошпанага эга бўлган эди. Россияда у кўп сонли жиноятларда айбланган.
2013 йил апрелида Песков Березовский Путинга хат ёзиб, хатоларини тан олгани ва Россияга қайтишга рухсат сўраганини маълум қилган эди. Бизнесмен 2013 йил мартида Лондон яқинидаги уйида ўлик ҳолда топилган.
Изоҳ (0)