Украина президенти Пётр Порошенко ва БМТ бош котиби Пан Ги Ман Минск келишувлари бажарилишининг бориши ва Донбассда тинчликка эришиш борасида олиб борилаётган халқаро интилишлар борасида фикр алмашди. Бу ҳақда Украина президенти матбуот хизмати хабар бермоқда.
Украина президентининг БМТ бош котибига маълум қилишича, Украина Халқаро Қизил хоч қўмитаси билан ҳамкорликда Донбасс аҳолисига гуманитар юкларни йўналтириш ва кечиктириб бўлмас гуманитар масалаларни ҳал этишга ҳаракат қилмоқда.
Бироқ, Порошенконинг қайд этишича, айирмачи жангарилар Украина ва халқаро гуманитар ёрдам карвонларининг ўтишига халал бермоқда. Пан Ги Мун Украина ҳукуматининг мураккаб гуманитар аҳволни ҳал қилишга қаратилган ҳаракатларини қайд этиб, низо ҳудудидан кўчишга мажбур бўлганларга ёрдам кўрсатаётгани учун Украина халқига миннатдорлик билдирди.
Пётр Порошенко БМТ бош котибини онаси ва адвокатлари Нью-Йоркда, ўзи Россияда асирликда қолаётган Надежда Савченконинг озод қилиниши учун чоралар кўришга чақирди. Украина президентининг қайд этишича, Донбассда гаровга олинган барча шахслар озод этилиши шарт.
Изоҳ (0)