Rossiya moliyaviy monitoring federal xizmati 41 ta davlatga qarshi bank sanksiyalarini kiritadi, deya xabar bermoqda “Izvestiya”.
Endi banklar Rossiyaga nisbatan sanksiyalarni qabul qilgan, terrorizmni qo‘llab-quvvatlaydigan va korrupsiyaga qarshi kurashmaydigan mamlakatlarda yashovchi mijozlarning barcha operatsiyalari haqida xabar berishi shart.
Ushbu 41 ta davlatga AQSh, Kanada, Yevroittifoq (28 ta davlat kiradi), Avstraliya, Norvegiya, Eron, Suriya, Sudan, Yangi Zelandiya, Argentina, Meksika, Shveysariya, Shimoliy Koreya va Yamayka kiradi.
Agar bank ushbu talablarga rioya qilmasa, uning litsenziyasi olib qo‘yilishi mumkin. Yangi qora ro‘yxatdagi mijozlar operatsiyalari “shubhali” deb e’tirof etiladi va banklarga ularni o‘tkazish tavsiya qilinmaydi.
Izoh (0)