Yaponiya qishloq, o‘rmon va baliq xo‘jaligi vazirligi kitlarni o‘ldirish ilmiy maqsadlarda amalga oshirilishini isbotlab bermoqchi, deya xabar bermoqda “RIA Novosti”.
“Mamlakatimiz Xalqaro kit ovlash komissiyasi ekspertlari fikrlarini hisobga olgan holda tadqiqotlar rejalariga zaruriyatga qarab tuzatishlar kiritadi hamda odilona va to‘g‘ridan-to‘g‘ri harakat qiladi”, — dedi vazirlik rahbari Yosimasa Xayasi.
2014-yil martida Gaaga sudi Antarktikada kit ovlash sanoatini taqiqlash haqida qaror qabul qilgan edi. Yaponiya unga rioya qilgan holda, bu mavsumda Janubiy qutb hududiga kit ovlaydigan kemalarini yubormadi. Biroq 2015-yilgi mavsumni o‘tkazishga ruxsat olish uchun kit ovlash bo‘yicha yangi reja tuzib qo‘ydi. Biroq xalqaro komissiya kitlarni o‘ldirish zarurati izohini yetarli emas deb topdi va masalani qayta o‘rganib chiqishni tavsiya etdi.
Izoh (0)