Россия президенти Владимир Путин даромадлари 2014 йилда ундан олдинги йилга нисбатан икки марта ошди. Кремль сайтига жойланган даромадлар тўғрисидаги декларацияда айтилишича, ўтган йил ичида президент 7,654 миллион рубль ишлаган, 2013 йилда эса ушбу кўрсаткич 3,6 миллион рублга тенг бўлган.
Давлат раҳбарига тегишли кўчмас мулк ҳақидаги бандда ер участкаси, гараж ва 77 квадрат метр майдонга эга квартира кўрсатилган. Бундан ташқари, Путиннинг учта автомобили: ГАЗ М21, ГАЗ М-21-Р, «Нива» ҳамда «Скиф» прицепи декларация қилинган.
Ҳукумат аъзолари томонидан тақдим этилган даромадлар тўғрисидаги декларацияга мувофиқ, Россия бош вазири Дмитрий Медведев 2014 йилда 8 миллион рубль ишлаб топган (2013 йилда — 4,2 миллион рубль).
Изоҳ (0)