Google Maps xarita xizmati mobil dasturida va veb-versiyasida AQSh prezidenti qarorgohi hududiga belgilangan Edwards Snow Den belgisini aniqlashdi, deya xabar bermoqda The Verge.
Edwards Snow Den (so‘zma-so‘z tarjimasi “Edvardning qorli makoni”) Google Maps’da qayd etilishicha, Oq uy ichida joylashgan snoubordlar do‘konidir.
Google vakili ushbu anglashilmovchilik foydalanuvchilardan biri kompaniya tomonidan tasdiqlab bo‘lingan belgi joyini o‘zgartirgani natijasida kelib chiqqanini ma’lum qildi. Kompaniya qayd etishicha, xaritadagi tuzatishlarning ko‘pchiligi ishonchli bo‘lib chiqadi, biroq baribir zararkunandalar topiladi. Ular shuningdek ayni paytda lokatsiya o‘chirilganini ma’lum qildi.
Izoh (0)