Ukraina prezidenti Pyotr Poroshenko Vladimir Putinga go‘yoki Donbassni o‘ziga olishni taklif qilgani haqidagi xabarlarni “ahmoqlik” deb atadi. Bu haqda “Exo Moskvi” xabar bermoqda.
Odessa nutq so‘zlar ekan, Poroshenko bu mish-mishlarni izohlamasligini aytdi. Shuningdek, u jurnalistlarga bu suhbatni boshqa tilga olmaslikni maslahat berdi.
Eslatib o‘tamiz, Forbes vaziyatdan xabardor manbalariga tayanib, 19-mart kuni Rossiya sanoatchilar va tadbirkorlar ittifoqi idorasi byurosi bilan yopiq uchrashuvda Vladimir Putin biznesmenlarga Ukraina rahbari Pyotr Poroshenko unga Donbassni Rossiya tarkibiga qo‘shib olishni taklif qilganini, biroq u bundan bosh tortganini gapirib berdi, deya xabar bergan edi.
Keyinroq esa Ukraina tashqi ishlar vazirligi spikeri Yevgeniy Perebiynis “Donbassdan chiqib keting” degani “Donbassni qo‘shib oling” degani emasligini aytgan edi.