Xitoyning sharqiy provinsiyasi Futszyanning Chjanchjou shahrida joylashgan neft-kimyo korxonasida 8-aprel, chorshanba kuni ertalab yana yong‘in sodir bo‘ldi, deya xabar bermoqda “TASS”.
“Sinxua” agentligi yozishicha, o‘t o‘chiruvchilar ketma-ket uch kecha-kunduzdan buyon alangani bartaraf eta olmayapti. O‘t o‘chirishga 170 dan ortiq maxsus texnika jalb etilgan.
6-aprel, dushanba kuni ushbu zavodda ksilol ishlab chiqaruvchi qurilmadan neft oqib chiqib ketdi, natijada kuchli portlash sodir bo‘lib, yaqin orada joylashgan binolarga zarar yetkazdi va uylarning oynalarini sindirdi.
Bir kecha-kunduzdan so‘ng o‘t o‘chiruvchilar yong‘inni o‘chirishga muvaffaq bo‘lgan edi, biroq bugun ertalab alanga yana paydo bo‘ldi.
Dastlabki ma’lumotlarga ko‘ra, hodisa natijasida 19 kishi jabrlangan, ularning olti nafari kasalxonaga yetkazilgan.