Хитойнинг шарқий провинцияси Фуцзяннинг Чжанчжоу шаҳрида жойлашган нефть-кимё корхонасида 8 апрель, чоршанба куни эрталаб яна ёнғин содир бўлди, дея хабар бермоқда ТАСС.
«Синьхуа» агентлиги ёзишича, ўт ўчирувчилар кетма-кет уч кеча-кундуздан буён алангани бартараф эта олмаяпти. Ўт ўчиришга 170 дан ортиқ махсус техника жалб этилган.
6 апрель, душанба куни ушбу заводда ксилол ишлаб чиқарувчи қурилмадан нефть оқиб чиқиб кетди, натижада кучли портлаш содир бўлиб, яқин орада жойлашган биноларга зарар етказди ва уйларнинг ойналарини синдирди.
Бир кеча-кундуздан сўнг ўт ўчирувчилар ёнғинни ўчиришга муваффақ бўлган эди, бироқ бугун эрталаб аланга яна пайдо бўлди.
Дастлабки маълумотларга кўра, ҳодиса натижасида 19 киши жабрланган, уларнинг олти нафари касалхонага етказилган.