Yamanda 26-mart kuni jang boshlanganidan buyon kamida 74 nafar yosh bola o‘ldirilgan, yana 44 nafari yaralangan. Bu haqda BMT Bolalar fondi (YuNISEF) rasmiy vakili Kristof Buera Jenevadagi brifingda aytib o‘tdi, deb yozadi “TASS”.
Uning ta’kidlashicha, ushbu raqamlar to‘liq emas, va “so‘nggi hafta ichida nizo yanada kuchaygani tufayli, halok bo‘lgan bolalarning haqiqiy soni ancha ko‘proq”.
Eslatib o‘tamiz, 26-mart, payshanbaga o‘tar kechasi Saudiya Arabistoni shia isyonchilariga qarshi operatsiya boshlanganini e’lon qildi, unda boshqa arab davlatlari ham qatnashmoqda.
Izoh (0)