Amerikaning Tennessi shtatida yashovchi ayol tushlik uchun buyurtirgan dengiz chig‘anoqlaridan biri ichidan 50 ta marvarid chiqdi, deya xabar bermoqda WSMV portali. Hodisa 2-aprel, payshanba kuni Franklin shahridagi Puckett’s Boathouse restoranida yuz berdi.
53 yoshli Toni Elliot chig‘anoqning bir qismini tishlab olganida qattiq narsa borligini sezdi. Avvaliga u tishini sindirib olganini taxmin qildi, biroq u marvarid bo‘lib chiqdi. Chig‘anoq ichidan yana 49 ta shunday marvarid topildi.
Muassasa xodimlari marvaridlarni tozalab, ayol uyiga olib ketishi uchun o‘rab berdi. “Bular uning chig‘anoqlari edi, demak ichidagi marvaridlari ham uniki. Bu xuddi lotereyada yutib chiqishdek gap”, — dedi restoran boshqaruvchisi.
Izoh (0)