Американинг Теннесси штатида яшовчи аёл тушлик учун буюртирган денгиз чиғаноқларидан бири ичидан 50 та марварид чиқди, дея хабар бермоқда WСМV портали. Ҳодиса 2 апрель, пайшанба куни Франклин шаҳридаги Puckett’s Boathouse ресторанида юз берди.
53 ёшли Тони Эллиот чиғаноқнинг бир қисмини тишлаб олганида қаттиқ нарса борлигини сезди. Аввалига у тишини синдириб олганини тахмин қилди, бироқ у марварид бўлиб чиқди. Чиғаноқ ичидан яна 49 та шундай марварид топилди.
Муассаса ходимлари марваридларни тозалаб, аёл уйига олиб кетиши учун ўраб берди. «Булар унинг чиғаноқлари эди, демак ичидаги марваридлари ҳам уники. Бу худди лотереяда ютиб чиқишдек гап», — деди ресторан бошқарувчиси.
Изоҳ (0)