AQShda bunkerga qarshi o‘ta kuchli bomba sinab ko‘rildi, deya xabar bermoqda “Exo Moskvi” Wall Street Journal’ga tayanib.
Nashr yozishicha, Pentagon Eron bilan muzokaralar barbod bo‘lishi ehtimoli yuzasidan yangi qurol yaratilishini tezlashtirgan. Taxminlarga ko‘ra, ushbu bomba mamlakatdagi eng mustahkam yadro obyektlarini ham vayron qila oladi.
Eslatib o‘tamiz, 2-aprel kuni Eron va xalqaro vositachilar “oltiligi” Eron yadro dasturi bo‘yicha siyosiy kelishuvga erishdi. Bitimni tayyorlash jarayoni 30-iyungacha yakunlanadi. AQSh Davlat departamenti bayonotida aytilishicha, Eron yadro dasturi ustidan nazorat turli yo‘nalishlar bo‘yicha 10 yildan 25 yilgacha davom etadi.
Sanksiyalarni kuchsizlantirish asta-sekinlik bilan amalga oshadi va Eronning bitimga rioya qilishiga bog‘liq bo‘ladi. Shu bilan birga, Obama so‘zlariga ko‘ra, Eronda inson huquqlari buzilishi va ballistik raketa ishlab chiqilishiga aloqador sanksiyalar to‘liq kuchda qoladi.
Izoh (0)