АҚШда бункерга қарши ўта кучли бомба синаб кўрилди, дея хабар бермоқда «Эхо Москвы» Wall Street Journal’га таяниб.
Нашр ёзишича, Пентагон Эрон билан музокаралар барбод бўлиши эҳтимоли юзасидан янги қурол яратилишини тезлаштирган. Тахминларга кўра, ушбу бомба мамлакатдаги энг мустаҳкам ядро объектларини ҳам вайрон қила олади.
Эслатиб ўтамиз, 2 апрель куни Эрон ва халқаро воситачилар «олтилиги» Эрон ядро дастури бўйича сиёсий келишувга эришди. Битимни тайёрлаш жараёни 30 июнгача якунланади. АҚШ Давлат департаменти баёнотида айтилишича, Эрон ядро дастури устидан назорат турли йўналишлар бўйича 10 йилдан 25 йилгача давом этади.
Санкцияларни кучсизлантириш аста-секинлик билан амалга ошади ва Эроннинг битимга риоя қилишига боғлиқ бўлади. Шу билан бирга, Обама сўзларига кўра, Эронда инсон ҳуқуқлари бузилиши ва баллистик ракета ишлаб чиқилишига алоқадор санкциялар тўлиқ кучда қолади.
Изоҳ (0)