Venesuela AQShga nisbatan hech qanday tajovuzni rejalashtirmayapti, deya xabar berdi “RIA Novosti” mamlakat prezidenti Nikolas Maduro bayonotiga tayanib.
“Venesuelaning AQShda kimgadir zarar yetkazish uchun u yerga hujum qilish rejalari yo‘q”, — dedi Maduro Karakasda bo‘lib o‘tgan Amerika xalqlari uchun Bolivar alyansining navbatdan tashqari majlisida.
Eslatib o‘tamiz, avvalroq AQSh tomonidan Venesuelaning qator mansabdorlariga nisbatan yangi sanksiyalar joriy etilgan edi. Yangi cheklovlar Venesuelaning huquqni muhofaza qiluvchi organlari, armiya va razvedka xodimlariga nisbatan joriy qilingan. Shuningdek, Obama Venesueladagi vaziyat AQSh uchun tahdid tug‘dirishi haqida ogohlantirib, ushbu mamlakatga nisbatan favqulodda holat joriy etgan edi.
Bunga javoban, Venesuela prezidenti Nikolas Maduro AQSh prezidenti Baraka Obamadan xatosini tuzatishini talab qilish uchun Vashingtonga borishi mumkinligini ma’lum qilgan edi.
Izoh (0)