“Sionistik lager” muxolifat bloki yetakchisi Isxak Gersog parlament saylovlarida mag‘lub bo‘lganini tan oldi va mamlakatning amaldagi bosh vaziri Binyamin Netanyaxuni g‘alaba bilan tabrikladi, deya xabar berdi “RIA Novosti”.
“Bir necha daqiqa avval men bosh vazir Binyamin Netanyaxu bilan gaplashdim. Uni muvaffaqiyat bilan tabrikladim va omad tiladim”, — dedi Gersog jurnalistlarga.
Eslatib o‘tamiz, 17-mart kuni Knesset (Isroil parlamenti)ga muddatidan avvalgi saylovlar bo‘lib o‘tdi. Saylov varaqasiga 25 ta partiya va bloklar kiritilgandi. Asosiy jang bosh vazir Binyamin Netanyaxuning “Likud” partiyasi va “Sionistik lager” bloki o‘rtasida bo‘lishi kutilayotgandi. Ushbu blokning raisdoshlari “Avoda” yetakchisi Isxak Gersog va sobiq tashqi ishlar vaziri Sipi Livnidir.
Izoh (0)