Amerika xalqlari uchun Bolivar alyansi (ALBA)ning 11 mamlakati AQSh prezidenti Barak Obamani Venesuelani AQSh xavfsizligi uchun “yangi va favqulodda tahdid” deb baholovchi dekretni bekor qilishga chaqirdi, deya xabar bermoqda “RIA Novosti”.
Avvalroq AQSh tomonidan Venesuelaning qator mansabdorlariga nisbatan inson huquqlarini buzganlik va siyosiy raqiblarini ta’qib qilganlik uchun yangi sanksiyalar joriy etilgan edi. Yangi cheklovlar Venesuelaning huquqni muhofaza qiluvchi organlari, armiya va razvedka xodimlariga nisbatan joriy qilingan. Shuningdek, Obama Venesueladagi vaziyat AQSh uchun tahdid tug‘dirishi haqida ogohlantirib, ushbu mamlakatga nisbatan favqulodda holat joriy etgan edi.
ALBAga a’zo 11 ta davlatning Vashingtondan Venesuelani “ta’qib qilish va unga tajovuz qilish”ni zudlik bilan to‘xtatishi talab qilingan bayonoti Karakasda ALBAning navbatdan tashqari majlisida e’lon qilindi.
Izoh (0)