Boliviya prezidenti Evo Morales agar AQSh Venesuelaga qashi tajovuz ko‘rsatadigan bo‘lsa, uning mamlakati unga qarshi zarba berishga tayyorligini ma’lum qildi, deb yozadi “RIA Novosti”.
“Boliviya Simon Bolivar (Venesuela milliy qahramoni)ning suyukli farzandidir va mamlakat bunday vaziyatlarda AQSh tomonidan bo‘ladigan aralashuvga qarshi kurashishga tayyorligini bildiradi”, — dedi Morales Karakasda bo‘lib o‘tgan Amerika xalqlari uchun Bolivar alyansining navbatdan tashqari majlisida.
Eslatib o‘tamiz, avvalroq AQSh tomonidan Venesuelaning qator mansabdorlariga nisbatan yangi sanksiyalar joriy etilgan edi. Yangi cheklovlar Venesuelaning huquqni muhofaza qiluvchi organlari, armiya va razvedka xodimlariga nisbatan joriy qilingan. Shuningdek, Obama Venesueladagi vaziyat AQSh uchun tahdid tug‘dirishi haqida ogohlantirib, ushbu mamlakatga nisbatan favqulodda holat joriy etgan edi.
Bunga javoban, Venesuela prezidenti Nikolas Maduro AQSh prezidenti Baraka Obamadan xatosini tuzatishini talab qilish uchun Vashingtonga borishi mumkinligini ma’lum qilgan edi.
Izoh (0)