FIFA bugun, 12-mart kuni milliy terma jamoalarning mart oyi uchun yangi reytingini e’lon qildi. Unga ko‘ra O‘zbekiston milliy terma jamoasi 1 pog‘ona pastlab, 72-o‘rindan joy olgan, deb xabar bermoqda Uff.uz.
Reytingda O‘zbekiston milliy terma jamoasining 483 ochko to‘plaganini ko‘rish mumkin. Osiyoda O‘zbekiston termasi Eron, Yaponiya, Janubiy Koreya, Avstraliya va BAA termalaridan keyin 6-o‘rinda bormoqda.
Aprel oyida Jahon chempionati – 2018 musobaqasining 2-saralash bosqichiga qur’a tashlanishi inobatga olinsa, bu oyda reytingda pastlash O‘zbekistonga salbiy ta’sir qilishi aniq.
FIFA reytingini hamon Germaniya terma jamoasi boshqarib bormoqda. Ikkinchi o‘rinda Argentina, 3-o‘rinda esa Kolumbiya terma jamoalari joylashgan. Italiya terma jamoasi yana kuchli o‘nlikka kirganini alohida ta’kidlash kerak. Ispaniya terma jamoasi esa uzoq muddatdan keyin kuchli o‘nlikdan chiqib ketdi.
FIFAning to‘liq reytingi bilan ushbu havola orqali tanishib olishingiz mumkin.
Izoh (0)