Belgiyaning “Bryugge” futbol klubining davosiz xastalikka chalingan muxlisi Lorenso Sxonbert sevimli jamoasining g‘alabasini ko‘rish uchun evtanaziyani keyinga qoldirdi, deya xabar bermoqda Independent.
1-mart kuni klub tomonidan tashkil qilingan aksiyada 41 yoshli Sxonbert maydonga qizi bilan chiqdi va ramziy ma’noda to‘pni o‘yinga kiritib berdi, uchrashuvni VIP-lojadan kuzatdi, o‘yin tugagach esa, futbolchilar bilan suhbatlashdi. “Muskron” bilan bahs “Bryugge”ning 3:0 hisobidagi g‘alabasi bilan yakunlandi.
“O‘limimdan oldin so‘nggi bora jamoamning g‘alabasini ko‘rib qolishni istardim. Orzuyim amalga oshdi”, — dedi Sxonbert, uni “Bryugge” ishqibozlari “Hech qachon yolg‘iz qolmaysan” shiori ostida kuzatib qo‘ydi.
Musobaqa tugaganidan bir qancha vaqt o‘tib, muxlisga o‘lim inyeksiyasi yuborildi.
Izoh (0)