Kanadaning Toronto shahrida topilgan tunnelning siri ochildi, deya xabar bermoqda Meduza. Politsiyaning jamoatchilikka yordam so‘rab murojaat qilgani foyda berib, ushbu yer osti inshootini qurgan 20—30 yoshlardagi ikki kishi topildi.
Ular buni shaxsiy sabablarga ko‘ra — shunchaki “tunnel qazimoqchi bo‘lib” amalga oshirgan.
Politsiya ushbu erkaklarning jamoatchilik xavfsizligiga ziyon yetkazishi mumkin bo‘lgan rejalari bo‘lmaganini xulosa qildi. Tergov doirasida jinoiy ish ochilmaganligi uchun politsiya tunnelni qaziganlar haqida hech qanday axborotni oshkor qilmadi.
Eslatib o‘tamiz, sirli tunnel 2015-yil yozida Panamerika o‘yinlari doirasida tennis bo‘yicha musobaqa bo‘lib o‘tadigan kortlar yaqinida topilgan edi.
Yer osti yo‘lagining uzunligi taxminan 10 metr, kengligi va balandligi 2 metrni tashkil etadi. Shift professional ravishda qoziqoyoqlar bilan mahkamlangan.
Patrul politsiyachisi uni 14-yanvarda topib olgan, bu haqda rasman 24-fevral kuni ma’lum qilingan.
Izoh (0)