Aviatsiya halokatlari bo‘yicha ekspertlar 2014-yil martida yo‘qolib qolgan Malaysia Airlines aviakompaniyasining “Boing”i parvozi haqidagi sun’iy yo‘ldosh ma’lumotlarini tahlil qilib chiqib, laynerni noma’lum shaxslar ataylab Antarktida tomonga olib ketgan bo‘lishi mumkinligini xulosa qildi. Bu haqda “Vesti.ru” xabar berdi.
Ma’lum bo‘lishicha, dispetcherlar bilan aloqani yo‘qotgach, samolyot yana bir necha soat davomida parvozda bo‘lgan va uch marta burilgan, ulardan biri chap tomonga bo‘lgan. Natijada samolyot dastlab g‘arbga, so‘ng janubga, Antarktidaga yo‘nalgan.
Ushbu versiya 8-mart kuni — fojiaga bir yil to‘lganida National Geographic telekanali orqali hujjatli film sifatida batafsil yoritib beriladi.
Malaysia Airlines’ning Kuala-Lumpurdan Pekinga uchib ketayotgan samolyoti 2014-yil 8-martga o‘tar kechasi radarlardan yo‘qolib qolgan edi. Kema bortida 239 kishi bo‘lgan.
Izoh (0)