Qozog‘iston Konstitutsiyaviy kengashi mamlakat prezidentligiga muddatidan avvalgi saylovlarni e’lon qilish uchun hech qanday to‘sqinlik yo‘q deb hisoblaydi. Bu haqda kengash bayonotiga tayanib, “RIA Novosti” xabar berdi.
Qozog‘iston Xalq assambleyasi kengashi 14-fevral kuni prezident saylovlarini muddatidan avval o‘tkazish tashabbusi bilan chiqdi. Qator siyosiy partiyalar va jamoatchilik birlashmalari bu tashabbusni qo‘llab-quvvatladi.
Konstitutsiyaviy kengash parlament senati rahbarining murojaatini ko‘rib chiqdi, unda Qozog‘iston konstitutsiyasining 41-moddasi 1—3-bandlariga rasman sharh berish so‘ralgan edi.
Bunga javoban, Konstitutsiyaviy kengash tegishli bandga rasmiy izoh berib, respublika konstitutsiyasida davlat rahbari tomonidan muddatidan avvalgi prezidentlik saylovlari belgilanishida hech qanday to‘sqinlik va cheklovlar ko‘zda tutilmaganligini qayd etdi.
Izoh (0)