iPhone 6 Plus’dagi bir qo‘lda boshqarish rejimi Android’ga moslashtirildi

Mustaqil ishlab chiquvchilar jamoasi iPhone 6 Plus’dagi bir qo‘l bilan boshqarish rejimini Android platformasiga ko‘chirdi, deya xabar bermoqda “Rossiyskaya gazeta”. Gap Xposed loyihasi — Google operatsion tizimlarida ishlovchi qurilmalar funksiyalarini modifikatsiyalash imkonini beruvchi dasturlar jamlanmasi haqida bormoqda.

iPhone 6 Plus’da maxsus rejim bo‘ib, Home tugmasi ketma-ket ikki marta bosilgach, ekranning tepa qismi pastga tushadi, va ko‘plab ikonkalarga ham bosh barmoqni osongina yetkazish mumkin bo‘ladi.

Bunday funksiya Android-qurilmalarda ham paydo bo‘lgan, biroq foydalanuvchilar uni juda noqulay deb baholagan edi. Mustaqil ishlab chiquvchilar esa buni Android’ga moslashtirdi. Ushbu imkoniyatdan faqatgina “superfoydalanuvchi” — Root huquqiga ega bo‘lganlar foydalanishi mumkin.

Zarur dasturni o‘rnatish uch bosqichda amalga oshiriladi:

Xposed Framework’ni Root-huquqga ega qurilmaga yuklab olish, so‘ng Google Play’dan One Hand Mode dasturini o‘rnatish, uni ishga tushirish va qurilmani o‘chirib yoqish lozim.

One Hand Mode sozlamalariga kirib, ustki maydon chegarasini ko‘rsatish kerak, interfeys o‘shandan pastga tushadi.

One Hand Mode rejimini Tasker’dan foydalangan holda ishga tushirish kerak.