Twitter mikrobloglar servisi dunyo mamlakatlarining foydalanuvchilar shaxsiy ma’lumotlarini taqdim etish hamda qaysidir axborotni o‘chirish bo‘yicha bergan so‘rovlari statistikasidan iborat yarim yillik hisobotni chop etdi. Bu haqda “Vedomosti” xabar berdi.
Unga ko‘ra, foydalanuvchilarning shaxsiy ma’lumotlari haqida so‘rovlar 40 foizga ko‘payib, 2871 taga yetgan.
2014-yilning iyul—dekabrida axborotni o‘chirish bo‘yicha so‘rovlarning eng ko‘pi (477) Turkiyadan kelib tushgan. Ularning 50 foizi bajarilgan. Biroq foydalanuvchilar ma’lumotlarini oshkor qilish bo‘yicha Turkiyadan berilgan 356 ta so‘rovning birontasi qoniqtirilmagan.
Ikkinchi o‘rinni axborotni o‘chirish haqida berilgan 91 ta so‘rov bilan Rossiya egalladi, ularning 13 foizi bajarildi. Mikrobloglar servisi xabariga ko‘ra, kompaniya Rossiya hukumatining taniqli dushmanlarini bloklab qo‘yish hamda Ukrainadagi namoyishlar bo‘yicha so‘z erkinligini cheklash talablarini bajarishdan bosh tortgan.
Izoh (0)