Sony kompaniyasi arzon Xperia E4 smartfonini taqdim etdi, deya xabar bermoqda “Korrespondent.net”. Ushbu modelning o‘ziga xosligi sifatida uning ikki kun faol rejimda quvvatsiz ishlay olishi ta’kidlanmoqda.
Smartfon 5 dyuym 960×540 pikselli displey, to‘rt yadroli MediaTek MT6582 protsessori, 1 Gb tezkor va 8 Gb ichki xotira, 5 megapikselli asosiy va 2 megapikselli old kamera bilan jihozlangan.
Xperia E4 Android 4.4.4 KitKat operatsion tizimida ishlaydi. Yangi qurilmaning o‘lchamlari 137×74,6×10,5 mm, og‘irligi 144 grammga teng. Batareyasi sig‘imi 2300 mA/s bo‘lib, uni tejash uchun Stamina va Ultra Stamina funksiyalari mavjud.
Smartfon fevral oyida ikki xil: oddiy va ikki SIM-kartali variantlarda sotuvga chiqadi. Ularning narxlari 160 va 200 dollar atrofida bo‘lishi taxmin qilinmoqda.
Izoh (0)