10 daqiqada mazali tort tayyorlaymiz

Chumoli uyasi deb nomlangan ushbu tortni tayyorlashga bor-yo‘g‘i o‘n daqiqa vaqt ketadi. Unga zarur bo‘lgan masalliqlarning barchasini esa yaqin oradagi do‘kondan sotib olish mumkin, deb yozadi “Xitrosti jizni” nashri.

Zarur masalliqlar:

• 500—600 g oddiy uvalanadigan pechenye
• 1 banka qaynatib quyultirilgan sut
• 100 g saryog‘
• 2 osh qoshiq smetana
• ta’bga ko‘ra mayiz, yong‘oq yoki shokolad ham qo‘shish mumkin

1. Pechenyeni o‘rtacha kattalikda maydalaymiz.
2. Yumshagan saryog‘ni smetana va quyultirilgan sut bilan yaxshilab aralashtiramiz.
3. Tayyor bo‘lgan massani pechenye bilan aralashtiramiz. Shu bosqichda ta’bga ko‘ra mayiz, yong‘oq yoki shokoladni ham qo‘shib yuborish mumkin.
4. Tayyor “xamir”ni likopga tog‘ qilib uyub qo‘yamiz. Ko‘rk berish uchun ustiga maydalangan pechenye yoki shakar upasi sepish mumkin.
5. So‘ng uni 30—40 daqiqaga sovitgichga qo‘yamiz.