2015-yilning 2—6-fevral kunlari Olmaota shahrida O‘zbekiston-Qozog‘iston qo‘shma demarkatsiya komissiyasining navbatdagi yig‘ilishi bo‘lib o‘tdi. Bu haqda O‘zbekiston tashqi ishlar vazirligi matbuot xizmati xabar berdi.
Yig‘ilish chog‘ida O‘zbekiston Respublikasining Toshkent viloyati va Qozog‘iston Respublikasining Janubiy Qozog‘iston viloyati bo‘ylab o‘tuvchi O‘zbekiston-Qozog‘iston Davlat chegarasining demarkatsiya chizig‘ini tartibga solish bo‘yicha qo‘shma faoliyat yakunlari ko‘rib chiqildi.
Muzokaralar yakunida ikki davlat Hukumat delegatsiyalari yig‘ilish protokolini imzoladilar.
Delegatsiyalar uchrashuvi an’anaviy konstruktiv ruhda va samimiy muhitda o‘tdi.
Izoh (0)