Microsoft asoschisi Bill Geyts Amerika korporatsiyasi aksiyalarining navbatdagi porsiyasidan “qutuldi”, deya xabar bermoqda “3dnews.ru”.
Geyts 1,5 milliard dollarlik 31 millionta qimmatli qog‘ozlarni Gates Foundation Asset Trust kompaniyasiga topshirdi. Natijada uning Microsoft’dagi hissasi 3 foizgacha kamaydi. Ushbu kompaniya Bill va rafiqasi Melindaning xayriya jamg‘armasi investitsiyalarini boshqarish bilan shug‘ullanadi.
Bill Geyts har chorakda Microsoft’ning taxminan 20 milliontadan aksiyalarini sotadi, tushgan mablag‘ni esa xayriya uchun sarflaydi. Agar Geyts ulushining qisqarish sur’ati shu tarzda davom etsa, u to‘rt yildan so‘ng korporatsiya aksiyadorlari tarkibidan chiqadi.
Izoh (0)