O‘zbekistonda Xitoyning mashhur Meizu kompaniyasining MX4 smartfoni sotuvga chiqdi, deya xabar bermoqda “Mobinfo.uz”. Dizayniga ko‘ra, model Apple iPhone 6’ning deyarli 100 foizlik nusxasi hisoblanadi.
Qurilma 2014-yil avgustida taqdim etilgan bo‘lib, 8 yadroli MediaTek protsessori, 20,7 megapikselli kamera, 3100 mA/s sig‘imiga ega batareya bilan jihozlangan. Korpus plastikdan ishlangan bo‘lib, alyuminiy bilan hoshiyalangan.
Meizu MX4 5,36 dyuym 1920×1152 pikselli IPS-displey, 64 Gb ichki va 2 Gb tezkor xotiraga ega.
Smartfon o‘lchamlari 75,2×144×7,9 mm, og‘irligi 147 grammga teng. U Android 4.4.4 operatsion tizimida ishlaydi.
Toshkentning “Fleshka” savdo majmuasida Meizu MX4 1,4 million so‘mdan sotilmoqda.
Izoh (0)