Onlayn-tarjimon Google Translate qog‘ozdagi matnni smartfon kamerasi yordamida tanib, tarjima qiladigan bo‘ldi, deya xabar bermoqda “Gazeta.ru”. Matnni tanib olish bo‘yicha bunday onlayn-tarjimonlar va tizimlar ustida boshqa kompaniyalar ham ish olib bormoqda.
Google o‘zining iOS va Android uchun mo‘ljallangan Google Translate dasturiga reallik elementlariga ega lahzali tarjima funksiyasini qo‘shdi. Foydalanuvchi matnga kamerani tutishi kifoya, shu zahoti smartfon ekranida shu matn tarjimasi paydo bo‘ladi.
Ayni paytda Google Translate’ning yangi xususiyati ingliz tilidan rus, fransuz, nemis, ispan, portugal va italyan tillariga yoki aksincha yo‘nalishdagi tarjimalarni amalga oshiradi.
Bundan tashqari, ABBYY Lingvo, Skype Translator, Waygo kabi tarjimonlar ham kamera orqali matnni tanib tarjima qilish funksiyasiga ega bo‘ldi.
Izoh (0)