Ўзбекистонда Хитойнинг машҳур Meizu компаниясининг МХ4 смартфони сотувга чиқди, дея хабар бермоқда «Mobinfo.uz». Дизайнига кўра, модель Apple iPhone 6’нинг деярли 100 фоизлик нусхаси ҳисобланади.
Қурилма 2014 йил августида тақдим этилган бўлиб, 8 ядроли MediaTek процессори, 20,7 мегапикселли камера, 3100 мА/с сиғимига эга батарея билан жиҳозланган. Корпус пластикдан ишланган бўлиб, алюминий билан ҳошияланган.
Meizu МХ4 5,36 дюйм 1920×1152 пикселли IPS-дисплей, 64 Гб ички ва 2 Гб тезкор хотирага эга.
Смартфон ўлчамлари 75,2×144×7,9 мм, оғирлиги 147 граммга тенг. У Android 4.4.4 операцион тизимида ишлайди.
Тошкентнинг «Флешка» савдо мажмуасида Meizu МХ4 1,4 миллион сўмдан сотилмоқда.
Изоҳ (0)