O‘zbekistonda Xitoyning arzon va sifatli Meizu smartfonlari sotila boshladi

O‘zbekiston bozorida Xitoyning Meizu kompaniyasi smartfonlari sotila boshladi, deya xabar bermoqda “Mobinfo.uz”.

Ushbu Xitoy brendi dunyoda sifatli va arzon mobil qurilmalar ishlab chiqaruvchisi sifatida taniqlidir. Firmaning ba’zi modellari Apple smartfonlari ko‘chirmalari hisoblanadi.

O‘tgan dam olish kunlari poytaxt bozorlarida Meizu MX4, Meizu MX3, Meizu MX2 smartfonlari hamda Meizu MiPad planshet kompyuterini uchratish mumkin edi. Sotuvchilar so‘zlariga ko‘ra, xaridorlar ushbu yangi mahsulotlar bilan qattiq qiziqib, tekshirib ko‘rmoqda va bahosini surishtirmoqda.