Rossiya Aloqa, axborot texnologiyalari va ommaviy kommunikatsiyalar sohasidagi nazorat bo‘yicha federal xizmati (“Roskomnadzor”) OAVlarni diniy adovatni kuchaytirmaslik uchun diniy arboblarning karikaturalarini chop etmaslikka chaqirdi. Bu haqda Interfax xabar berdi.
“Fransiyadagi fojia munosabati bilan ‘Roskomnadzor’ qator Rossiya federal va mintaqaviy OAVlari bilan profilaktika ishlarini o‘tkazdi. Tahririyatlarga OAVlarni ekstremistik faoliyatda qo‘llashni taqiqlovchi Rossiya qonunchiligi nizomlari eslatildi”, — deyiladi muassasaning Facebook’dagi sahifasida.
“Roskomnadzor” qonunga muvofiq, turli dinlar uchun muqaddas bo‘lgan narsalar bo‘yicha shaxsiyatga tegish diniy adovatni yuzaga keltirish deb baholanishini ta’kidladi.
Izoh (0)