AQShda Yangi yilni oilasi bilan kutib olishga shoshgan bemor kasalxonani yuraksiz tark etdi (video)

AQShning Michigan shtatida Yangi yil bayramini oilasi davrasida kutib olishni istagan 24 yoshli bemor Sten Larkin unga yurak ko‘chirib o‘tkazilishini kutmay, kasalxonani tark etdi, deb yozadi “Vesti.ru”.

Gap shundaki, yigit ancha vaqtlardan buyon yurak ko‘chirib o‘tkazish bo‘yicha murakkab operatsiya o‘tkazilishini kutib, kasalxonada yotgan edi. U shifokorlardan bayram kuni uyiga ruxsat berishni so‘radi. Ular rozi bo‘ldi va Larkinni 6,5 kilogrammlik sun’iy yurak bilan birga qo‘yib yubordi.

Qurilma quti shaklida bo‘lib, oddiy maktab ryukzagiga joylashadi. Maxsus quvurchalar yordamida u yigitning ichki organlariga ulanadi, bemor uni taqib olib, kundalik ishlari bilan bemalol shug‘ullanib yurishi mumkin.

Shifokorlar aytishicha, ba’zan operatsiyani uzoq vaqt davomida kutishga to‘g‘ri kelganida davolashning shunday usuli qo‘llaniladi.