Ucell bayram kunlarida ba’zi xizmatlar faoliyatini vaqtinchalik to‘xtatadi

Ucell mobil aloqa operatori Yangi yildagi bayram kunlarida, qo‘ng‘iroqlar sifatini yaxshilash va SMS-xabarlarni o‘z vaqtida yetkizish maqsadida, ba’zi xizmatlar vaqtinchalik to‘xtatishini ma’lum qildi

2014-yil 31-dekabr  soat 12:00 dan 2015-yil 2-yanvar soat 17:00 gacha quyidagi xizmatlardan foydalanib bo‘lmaydi:

• “SMS-Jadval”;
• “SMS ni boshqa raqamga yo‘naltirish”;
• “SMS-Avtojavob”;
• “SMS Filtr-Qora ro‘yxat”;
• “SMS-Taxallus”;
• “Do‘stim hisobidan SMS”.

• “Kim qo‘ng‘iroq qildi?”;
• “Men aloqadaman”;
• “Ovoz pochtasi”;
• “Menga qo‘ng‘iroq qil”;
• “Men kimman?”.

• Hisobni *100# - *109# orqali tekshirish;
• Tizim xabarlari (hisob to‘ldirish va xokazo).

Ucell o‘z mijozlaridan kerakli hollarda qo‘shimcha xizmatlarni oldindan ulashni so‘ragan. “SMS Jadval” xizmati doirasidagi oldindan mo‘ljallab qo‘yilgan SMS-xabarlar o‘z vaqtida yuborilishi qayd etilgan.

Kompaniya keltirilgan noqulayliklar uchun abonentlardan uzr so‘ragan.