Tumblr 2014-yilda eng ommabop bo‘lgan mashhurlar reytingini tuzib chiqdi, deb yozadi “Segodnya.ua”. Reytinglar keng turda tuzilib, eng yaxshi jonivorlardan tortib, eng qiziqarli bloglarni o‘z ichiga oldi.
2014-yilning eng yaxshi qo‘shiqlari deb Niki Minajning Anaconda, “Muz yurak” multfilmidagi Let It Go, Lana Del Reyning Ultraviolence va Fall Out Boy guruhining Centuries qo‘shiqlari tan olindi.
Shu yilda diqqat markazida bo‘lgan taniqli aktrisalar beshligiga Jennifer Lourens, Emma Uotson, Sheylin Vudli, Lyupita Niongo va Anjelina Joli kirgan bo‘lsa, Benedikt Kamberbetch, Tom Xiddlston, Jensen Ekkls, Dilan O’Brayen va Misha Kollinz eng taniqli aktyorlar beshligini tashkil etdi.
Eng ko‘p tilga olingan musiqiy guruhlar esa 5 Seconds of Summer, One Direction, Fall Out Boy, All Time Low va My Chemical Romance bo‘ldi.
Beyonse, Lana Del Rey, Jastin Biber, Teylor Svift va Kanye Uest eng mashhur yakkaxon qo‘shiqchilar deb e’tirof etildi.
Tumblr o‘z ichiga ko‘plab suratlar, maqolalar, video va gif-rasmlarni oluvchi mikrobloglar servisidir.
Izoh (0)