Gollivudda 18-an’anaviy Hollywood Film Awards kinomukofotlarini topshirish marosimi bo‘lib o‘tdi, deb yozadi “Segodnya”.
Anjelina Joli, Kira Naytli, Kristen Styuart, Ben Afflek, Benedikt Kamberbetch, Jennifer Lopes, Julianna Mur, Jonni Depp va boshqalar marosim mehmon va sovrindorlariga aylandi.
Yulduzlar “qizil gilamcha”da o‘z liboslarini ko‘z-ko‘z qildi.
Eslatib o‘tamiz, Hollywood Film Awards mukofoti tanloviga ko‘ra, Devid Fincherning “Yo‘qolgan qiz” kartinasi 2014-yilning eng yaxshi filmi deb topildi.
“Imitatsiyalar o‘yini” filmi uchta sovrinni qo‘lga kiritdi — mukofotlarni film rejissyori Morten Tildum, matematik Alan Tyuring rolini o‘ynagan aktyor Benedikt Kamberbetch va aktrisa Kira Naytli qo‘lga kiritdi.
“Hali hamon Elis” filmidagi roli uchun Julianna Mur eng yaxshi aktrisa deb topilgan bo‘lsa, “Ajdarhoni qanday qilib qo‘lga o‘rgatish mumkin-2” multfilmi eng yaxshi animatsion filmga aylandi. Hollywood Film Awards’ning faxriy sovrini Maykl Kitonga taqdim etildi.
Izoh (0)