Nyu-Yorkda “Cho‘qintirgan ota” filmi syujeti bo‘yicha Korleonelar oilasi yashagan uy 2,9 million dollarga sotuvga qo‘yildi. Bu haqda Korrespondent.net xabar bermoqda.
2012-yilda beshta yotoqxona va yettita vannaxonaga ega ushbu uy to‘liq modernizatsiya qilingan.
1972-yilgacha u oddiy turar joy bo‘lgan, biroq uchta “Oskar”ni qo‘lga kiritgan, Marlon Brando va Al Pachino ishtirokidagi Frensis Ford Koppola filmidan so‘ng bu uy ham mashhur bo‘lib ketdi.
Rieltor Jozef Profachi so‘zlariga ko‘ra, uyning hozirgi egalari uni to‘liq o‘zgartirishgan, ayniqsa, uydagi ish xonasini (kabinet) xuddi filmdagi holatga keltirishgan.
Uyda jami 15 ta xona, jumladan sport zali va o‘yinlar xonasi, shuningdek to‘rtta avtomobil uchun mo‘ljallangan garaj ham bor.
Izoh (0)