Ukraina prezidenti Pyotr Poroshenko ma’muriyati unga qarata Vladimir Putin tomonidan tahdid qo‘llanilgani haqida OAVlarda paydo bo‘lgan ma’lumotni rad etdi, deb yozadi “RBK” Ukraina yetakchisi matbuot xizmatiga tayanib.
“Pyotr Poroshenko suveren davlat prezidenti hisoblanadi va hech kim u bilan keskin tarzda gaplasha olmaydi”, — dedi matbuot xizmatidagilar.
Nashrning eslatishicha, avvalroq Putin matbuot kotibi Dmitriy Peskov Poroshenko va Putin o‘rtasida telefon suhbati bo‘lib o‘tganini tasdiqlagan, biroq Rossiya prezidenti ukrainalik hamkasbiga tahdid qilgani haqidagi gaplarni uydirma deb atagan edi.
Ba’zi nashrlar, jumladan Ukrainaning Insider nashri Putinning Poroshenko bilan suhbat chog‘ida Donbassga bostirib kirish bilan tahdid etib, Donetsk va Lugansk xalq respublikalarini tan olishini, shuningdek NATO va Yevroittifoqqa qo‘shilishdan bosh tortishini talab qilgani haqida xabar bergan edi.
Izoh (0)