Hindistonlik harbiylar o‘smir bolalarni o‘ldirgani uchun sud qilinadi

To‘qqiz nafar hind harbiy xizmatchilari Hindistonning Jammu va Kashmir shtatida ikki o‘smirning o‘ldirilishi ishi bo‘yicha harbiy tribunal oldida hozir bo‘ladi. Bu haqda “RIA Novosti” xabar berdi.

Hodisa 3-noyabr kuni Hindiston shimolida Pokiston bilan chegaradosh Jammu va Kashmir shtatidagi Budgam okrugida sodir bo‘lgan. Harbiylar besh nafar o‘smir minib ketayotgan mashinani o‘qqa tutgan. Ularning aytishicha, bunga transport vositasi blokpostda to‘xtamay o‘tib ketgani sabab bo‘lgan, harbiylar ularni terrorchilar deb gumon qilgan. Otishma natijasida 15 va 17 yoshdagi ikki o‘smir halok bo‘lgan, yana ikki nafari yaralangan, qolgan bir nafari qochib qolgan.

Voqea bo‘yicha tergov komissiyasi harbiy xizmatchilar tomonidan kuch ishlatilishi qoidalari qo‘pol ravishda buzilganini tan oldi.