Politico gazetasi AQShda yangi saylovoldi mavsumi boshlanganini e’lon qildi
Vashingtonning Politico gazetasi 2016-yilgi AQSh prezidentligiga saylovlar oldidan yangi saylovoldi mavsumi ochilganini e’lon qildi, deb yozadi “TASS”. Gazeta qayd etishicha, ushbu mavsum 19-noyabr kuni Florida shtatidagi Boka-Raton shahrida Respublikachi gubernatorlar assotsiatsiyasi yig‘ilishi bilan boshlangan.
Nashrning yozishicha, yig‘ilishda respublikachilar muxolifati prezidentlik lavozimiga potensial nomzodlarni “ko‘rib chiqqan”. Bunday nomzodlar qatoriga gazeta yigirma kishini kiritdi, jumladan ikki nafar senator hamda Luiziana, Texas va Nyu-Jersi gubernatorlarini birinchi beshtalikka joyladi.
Shu bilan birga, AQSh sobiq prezidentlarining o‘g‘li va ukasi — Florida sobiq gubernatori Jeb Bushni Politico atigi 10-o‘ringa qo‘ydi. Uni ko‘pchilik siyosatchilar demokratik partiyadan nomzod bo‘lishi kutilayotgan Hillari Klintonga munosib raqib bo‘lishini aytayotgan bo‘lsa-da, gazeta u investitsiyaviy biznes bilan faol shug‘ullanib kelayotgani tufayli, “prezidentlikka intilayotgan kishiga o‘xshamasligi”ni ta’kidladi.
