Вашингтоннинг Politico газетаси 2016 йилги АҚШ президентлигига сайловлар олдидан янги сайловолди мавсуми очилганини эълон қилди, деб ёзади ТАСС. Газета қайд этишича, ушбу мавсум 19 ноябрь куни Флорида штатидаги Бока-Ратон шаҳрида Республикачи губернаторлар ассоциацияси йиғилиши билан бошланган.
Нашрнинг ёзишича, йиғилишда республикачилар мухолифати президентлик лавозимига потенциал номзодларни «кўриб чиққан». Бундай номзодлар қаторига газета йигирма кишини киритди, жумладан икки нафар сенатор ҳамда Луизиана, Техас ва Нью-Жерси губернаторларини биринчи бешталикка жойлади.
Шу билан бирга, АҚШ собиқ президентларининг ўғли ва укаси — Флорида собиқ губернатори Жеб Бушни Politico атиги 10-ўринга қўйди. Уни кўпчилик сиёсатчилар демократик партиядан номзод бўлиши кутилаётган Ҳиллари Клинтонга муносиб рақиб бўлишини айтаётган бўлса-да, газета у инвестициявий бизнес билан фаол шуғулланиб келаётгани туфайли, «президентликка интилаётган кишига ўхшамаслиги»ни таъкидлади.
Изоҳ (0)