Xitoy sharqida sodir bo‘lgan yo‘l-transport hodisasida 11 nafar bolalar bog‘chasi tarbiyalanuvchilari halok bo‘ldi, deya xabar bermoqda “RIA Novosti” “Sinxua” agentligiga tayanib.
Fojia 19-noyabr, chorshanba kuni ertalab Shandun provinsiyasining Chaoshuy shahrida ro‘y berdi: 14 nafar bolani olib ketayotgan mikroavtobus yuk mashinasi bilan to‘qnashib ketdi. Uch bola va haydovchi voqea joyida halok bo‘ldi, sakkiz bola esa keyinroq shifoxonada vafot etdi. Qolgan uch bola yengil jarohat oldi.
Politsiya xabariga ko‘ra, mikroavtobus sakkiz yo‘lovchiga mo‘ljallangan bo‘lgan. Ayni paytda hodisa sabablari aniqlanmoqda.
Izoh (0)