Nigerda maktab o‘quvchilari o‘tirgan qayiqqa begemot hamla qilishi natijasida 12 bola halok bo‘ldi

Niger davlatida gippopotam maktab o‘quvchilarini olib ketayotgan qayiqni suvga cho‘ktirib yubordi, deya xabar bermoqda “TASS” Niger o‘rta ta’lim vazirligiga tayanib. 12—13 yoshdagi 12 bola fojia qurbonlari bo‘ldi.

Muassasa xabariga ko‘ra, begemot 18 kishini mamlakat poytaxti — Niameyani ikkiga bo‘luvchi Niger daryosidan olib o‘tayotgan qayiqqa hamla qilgan. O‘quvchilar qarama-qarshi sohilda joylashgan maktabga yo‘l olgan bo‘lgan.